شفنا ايدك كل مرة احتاجنا فيها لتعزيات .. شوفنا احساسك بأحزاننا وألمنا و بالضيقات

اختبرنا معاك سلام مش بتمحية اى ضيقة .. اختبرنا معاك عجايب اختبرنا معجزات

انت لما تكون فى مشهد مابنشوفش حد تانى .. حزننا بيخلص و نهدا ونوحنا يتحول اغانى 

انت مابتبقاش بعيد عنا و تملى بتبقى حاضر .. انت حبك لينا عدى الوصف فاق كل المعانى

مش هنطلب حق ارضى و مش هايعلا لينا صوت .. احنا طلبتنا الوحيدة ان السلام يملى البيوت

انت كاسر شوكة الموت من زمان و كسرت عينه .. مستحيل يفصلنا عنك اى ضيق او اى موت

انت بتكونلك تملى نظرة تانية للامور .. ليك تملى بصمة حلوه تسيب فى قلب الضلمة نور 

و اللى راحوا ارتاحو من اوجاع حياتهم لما جولك .. و احنا لسة لينا فرصة نعيش عشان يبقلنا دور